Foro aberto a calquer tipo de información, mais que nada sobre GALICIA: DOCUMENTOS, GASTRONOMIA, ETNOGRAFIA, FOTOS, REPORTAXES, HISTORIA, CONTOS, TRADICIÓNS, ..
Sitio para entretenerse e se cadra, ou ata incluso para aprender uns dos outros. ¿Por qué non? E posible.
Todo esto e o que se vaia ocurrindo, sempre dende o respeto e cortesía mínima hacia os demais aínda sen ter que reprender o verbo. ¿Non sei se me explico?
by rochacarro
sábado, 1 de diciembre de 2012
PEDRO A. BARROS PEDREIRA.- Ilustres de Abegondo.
PEDRO A. BARROS
PEDREIRA (a) “ANTON DO CRUCEIRO”, mestre de profesión e escritor de vocación, tal como él se
definía.
Naceu no lugar do Adro, na parroquia de Abegondo no ano 1941.
Por mor da súa profesión deixou Abegondo a mediados da década dos anos 50,
sendo un dos seus primeiros destinos Jerez de la Frontera. A meirande parte da
súa vida profesional desenvolveuna na cidade de A Coruña, acadando postos de
relevancia tanto en xestión dos centros educativos como na publicación de
artigos e libros no eido do ensino.
Como él xa ten manifestado percorreu “a práctica totalidade
das posibilidades que o amplo abano docente primario ofrece: mestre de escolas
unitarias e mixtas, de nenos, de adultos, en centros públicos e privados, xefe
de departamento, secretario e xefe de estudos, clases a opositores-mestres….”
Pero nos dende aquí queremos centrarnos na súa actividade
como escritor. Publicou o seu primeiro libro no ano 1985 titulado “LEMBRANZAS”.
A súa primeira gran homenaxe que lle adicou á parroquia que o veu nacer:
Abegondo.
Publicou obras tanto en galego coma en castelán, e ó longo da
súa vida centrou boa parte das obras en Abegondo. Outro exemplo é a publicación
que leva por título “CONTOS DE ABEGONDO”, editada no ano 1996. Este libro trata
das 19 parroquias que forman o concello de Abegondo, e está elaborado de tal
xeito que a súa estructura está basada en primeiro lugar nunha breve reseña da
parroquia en cuestión; outro apartado con un conto en alusión á parroquia da
que trata e un terceiro e último apartado que inclúe un ou varios poemas,
curiosidades ou anécdotas e lembranzas.
Outra das obras publicadas por PEDRO A. BARROS PEDREIRA (a)
“ANTON DO CRUCEIRO” é o libro que publica no ano 2004 titulado “O ABEGONDO DOS
50”. Impresionante obra que vai
describindo rueiro a rueiro, casa por casa, familia por familia, quén era quén
na parroquia de Abegondo na década dos anos 50.
Morreu no mes de febreiro de 2009. Nun futuro seguiremos profundizando un pouco mais nas obras
publicadas por PEDRO A. BARROS PEDREIRA, que levou sempre presente na súa vida
e na súa obra literaria a terra que o veu nacer e criar: ABEGONDO.
Ven merece un respeto e unha lembranza á sua obra e ó seu sentimento que tivo por todo aquelo que viviu. Datos recollidos no libro "Abegondo un Curruncho das Mariñas"
A loita guerrilleira contra o réxime de Franco tivo como punto de actuación destacado a comarca de Betanzos. En canto á súa organización, na que o Partido Comunista xoga un destacado papel, Abegondo foi un dos puntos en donde se inician os primeiros contacto entre os principais dirixentes.
Un período convulso este da postguerra civil do 36. Na publicación "A loita guerrilleira contra o réxime de Franco en Abegondo e comarca de Betanzos" faise un percorrido de feitos históricos que marcaron a toda unha xeneración. Un relativo cronolóxico desde aqueles primeiros días en que chegan noticias da sublevación de parte do exército no Norte de África ata momentos de máxima tensión que aconteceron no territorio.
A publicación contén datos en cómo se desevolven os primeiros contactos para conformar as partidas organizadas que sexan capaces de desestabilizar ao sistema, as acción mais salientables (morte do crego de Viós, atentado contra a Garda Civil en San Tirso de Mabegondo ou o incendio da Casa do Concello de Abegondo).
Un recopilatorio en definitiva que nos adentra a aqueles anos da década dos 40 do século XX como foi a loita guerrilleira nas aldeas e pobos da comarca de Betanzos e con maior incidencia no concello de Abegondo.
No hay comentarios:
Publicar un comentario