ABEGONDO
DURANTE A ALTA IDADE MEDIA.- Referencias documentais elaboradas por MAXI REI.
MAXI REI (Abegondo 1975) é
licenciado en Historia pola Universidade de Santiago de Compostela e
actualmente desempeña traballos docentes nun instituto en Andalucía.
No Anuario Brigantino nº 27
(ano 2004) publicou un traballo denominado “Referencias
documentais ó concello de Abegondo durante a Alta Idade Media”.
Tal como indica no sumario
da publicación “este traballo trata de
ser unha recollida e análise documental, así como contextualización histórica,
de tódalas referencias da época medieval ós lugares e parroquias que, andando o
tempo, constituirán o actual concello de Abegondo”.
Como é lóxico este estudio
faino dende o punto de vista xeográfico da comarca de As Mariñas en donde se
enclava o que hoxe coñecemos territorialmente como o concello de Abegondo, o
cal é moito máis actual e recente pois a súa constitución e formación como tal
institución é do século XIX, non hai mais que 177 anos. Pola contra, as
parroquias e moitos dos lugares que hoxe coñecemos xa están recoñecidos no século X, e que para o caso, Maxi Rei
elabora este traballo con precisión e cronoloxía de tal xeito que contextualiza
o por él investigado e entroncao cos lugares e parroquias do que temos coñecemento
hoxe por hoxe como Abegondo.
Así, escomenza o seu
traballo indicando que a denominada comarca de As Mariñas coñécese, na idade media, co nome de Nemitos, e mais tarde co de Nendos.
Transcribe así datos
recopilados na súa investigación e avanza no que foi a formación das parroquias
naquel entón, ou incluso antes do propio século X e XI nos que está centrado o
seu traballo.
Así, lendo o traballo
minucioso elaborado por Maxi Rei podemos descubrir datos da existencia naqueles
tempos de parroquias e lugares de Abegondo, donde nos demostra xa, mediante
documentación, da existencia de Abegondo, Mabegondo, Cullergondo, Xuanzo,
Vilacoba….
Para non cansar mais ó
lector, o que me queda é a invitalos á lectura e/ou estudio do mesmo. Para elo déixolles
o enlace en formato pdf da publicación que se fixo no ano 2004 no Anuario
Brigantino.
Así tamén, e “aproveitando
que o Mero pasa por Vilacoba”, quero agradecerlle a Maxi Rei a dedicación, o
traballo e a súa xenerosidade para cos demais, por publicar esta investigación
e polo tanto que poidamos disfrutar todos dos seus coñecementos e así saber un
pouco máis da nosa historia, dos nosos ancestros, e polo tanto saber un pouco
máis tamén de nos mesmos.
Queda por tanto tamén no
ánimo que cando poida e queira siga co traballo emprendido e nos regale a
seguinte parte que ten pendente; que coma él xa nos avanza, irá explicando o devir histórico dos lugares e
parroquias que conformarían centos de anos despois o obxecto de estudio: as
dezanove parroquias que componen o actual concello de Abegondo.
Así pois, Maxi, cando
queiras.
Enlace en pdf do traballo realizado por MAXI REI titulado “Referencias documentais ó concello de
Abegondo durante a Alta Idade Media”.
gracias meu: é outro dos meus numerables proxectos pendentes: escribir, ben contextualizada, a historia medieval do noso concello, ando agora a voltas cun máster na uned que me ten o tempo totalmente ocupado e logo tamén rematando unha novela que non consigo rematar... pero prometo facelo
ResponderEliminar